Les mots surlignés font l'objet d'une note
1Monsegneur, despuis la presente escripte, jay heu asseurance de bonne part de
2ce qu’on m’avoit dict il y a quelques jours que un gentilhomme aura visité
3tous les gentilzhommes et chefz de la religion de ce pays de par le segneur de
4Montbrun, accompagné de ses letres et d’une coppie de celle que luy avoit escript
5monsieur ladmiral, les priant et requerant bien instament de laller treuver et se
6randre vers luy dans le premier daoust prochain pour le service du roy, leur
7remonstrant que ce seroit effacer loppinion quon avoit volleu faire prandre à
8sa majesté contre diceulx et faire acte recommandable d’aider à remettre les
9tiramnizés en leurs maisons. J’ay veu aussi par letre escripte de la cour
10de son altesse à monsegneur d’Ambrun, qu’on estime que les rumeurs et
11preparatif qui se font en Piedmont sont pour donner et courir sur le
12Montferrat, sur lequel elle pretend, combien que tous les potentatz d’Italie
13assamblent des forces et encores que mondit seigneur de Savoye attendoit
14de jour à aultre le retour dun sien ambassadeur estant vers le roy catholicque
15par la venue duquel on se pourroit resouldre.
16NB : DOIT SE LIRE APRES XVII-226
17